"Chelsi" "Lester" yarim himoyachisi Yuri Tilemansni sotib olish uchun kurashga kirishdi, deya xabar beradi Express.

Manbaga ko‘ra, "ko‘klar" 25 yoshli futbolchini yanvarda arzonlashtirilgan narxda yoki kelasi yozda tekinga o‘z safiga qo‘shib olishi mumkin.

Avvalroq, "Arsenal" yarim himoyachini sotib olish bo‘yicha taklif bilan chiqishga tayyorligi, "Barselona" esa belgiyalik futbolchini xarid qilmaslikka qaror qilgani xabar qilingandi.

Shuningdek, Tilemans shartnoma yakunlangach, "Lester"ni tark etishga qaror qilgani ham ma’lum. Tomonlar o‘rtasidagi kelishuv 2023 yilning yozida yakuniga yetadi.

Yarim himoyachi joriy mavsumda barcha turnirlarda 17 ta o‘yinda maydonga tushib, 3 ta gol urdi va bitta golli uzatmani amalga oshirdi. Transfermarkt portali futbolchining narxini 40 million yevroga baholamoqda.