"Челси" "Лестер" ярим ҳимоячиси Юри Тилемансни сотиб олиш учун курашга киришди, дея хабар беради Express.

Манбага кўра, "кўклар" 25 ёшли футболчини январда арзонлаштирилган нархда ёки келаси ёзда текинга ўз сафига қўшиб олиши мумкин.

Аввалроқ, "Арсенал" ярим ҳимоячини сотиб олиш бўйича таклиф билан чиқишга тайёрлиги, "Барселона" эса бельгиялик футболчини харид қилмасликка қарор қилгани хабар қилинганди.

Шунингдек, Тилеманс шартнома якунлангач, "Лестер"ни тарк этишга қарор қилгани ҳам маълум. Томонлар ўртасидаги келишув 2023 йилнинг ёзида якунига етади.

Ярим ҳимоячи жорий мавсумда барча турнирларда 17 та ўйинда майдонга тушиб, 3 та гол урди ва битта голли узатмани амалга оширди. Transfermarkt портали футболчининг нархини 40 миллион еврога баҳоламоқда.