Angliyaning “Chelsi” va Germaniyaning “Leypsig” klublari fransiyalik yarim himoyachi Kristofer Nkunku transferini yakunladi, deya xabar bermoqda jurnalist Fabrisio Romano ijtimoiy tarmoqlarida.
"Fransiyalik futbolchini 2023 yilning iyulidan boshlab "Chelsi"ning yangi futbolchisi deb hisoblash mumkin. Bularning barchasi “Leypsig” va futbolchi tomoni bilan kelishib olingan”, deb yozadi Romano.
Oldinroq "Chelsi" Nkunku uchun 60 million yevrodan ko‘proq pul to‘lashi xabar qilingandi.
Nkunku joriy mavsumda “buqalar” safida 23 ta o‘yinda maydonga tushib, 17 ta gol urdi va 4 ta golga assistentlik qildi. Uning klub bilan shartnomasi 2026 yilning yoziga qadar mo‘ljallangan.
Transfermarkt portali futbolchining narxini 80 million yevroga baholamoqda.
