Англиянинг “Челси” ва Германиянинг “Лейпциг” клублари франциялик ярим ҳимоячи Кристофер Нкунку трансферини якунлади, дея хабар бермоқда журналист Фабрицио Романо ижтимоий тармоқларида.
"Франциялик футболчини 2023 йилнинг июлидан бошлаб "Челси"нинг янги футболчиси деб ҳисоблаш мумкин. Буларнинг барчаси “Лейпциг” ва футболчи томони билан келишиб олинган”, деб ёзади Романо.
Олдинроқ "Челси" Нкунку учун 60 миллион евродан кўпроқ пул тўлаши хабар қилинганди.
Нкунку жорий мавсумда “буқалар” сафида 23 та ўйинда майдонга тушиб, 17 та гол урди ва 4 та голга ассистентлик қилди. Унинг клуб билан шартномаси 2026 йилнинг ёзига қадар мўлжалланган.
Transfermarkt портали футболчининг нархини 80 миллион еврога баҳоламоқда.