"Manchester Yunayted" PSV hujumchisi Kodi Gakpoga qiziqish bildirmoqda, deb xabar beradi The Telegraph.
Manbaga ko‘ra, ingliz klubi qishki transfer oynasida futbolchini sotib olmoqchi va u uchun 50 million yevro to‘lashga tayyor. Niderlandiyaliklar futbolchini 60-65 million yevroga baholamoqda.
23 yoshli Gakpo joriy mavsumda PSV va Niderlandiya terma jamoasi safida barcha musobaqalarda 34 ta o‘yinda maydonga tushib, 18 ta gol urdi va 18 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.