"Манчестер Юнайтед" ПСВ ҳужумчиси Коди Гакпога қизиқиш билдирмоқда, деб хабар беради The Telegraph.
Манбага кўра, инглиз клуби қишки трансфер ойнасида футболчини сотиб олмоқчи ва у учун 50 миллион евро тўлашга тайёр. Нидерландияликлар футболчини 60-65 миллион еврога баҳоламоқда.
23 ёшли Гакпо жорий мавсумда ПСВ ва Нидерландия терма жамоаси сафида барча мусобақаларда 34 та ўйинда майдонга тушиб, 18 та гол урди ва 18 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
