"Bavariya" "Borussiya Myonxengladbax"ning shveysariyalik darvozaboni Yan Zommerga qiziqish bildirmoqda, deb xabar beradi Sky.
Manbaga ko‘ra, Myunxen klubi qishki transfer oynasida futbolchini sotib olish variantini ko‘rib chiqmoqda. "Bavariya"da Zommer oyog‘i singanligi sababli uzoq vaqtga safdan chiqqan Manuel Noyerning o‘rnini bosa oladi.
Avvalroq, shveysariyalik futbolchiga "Manchester Yunayted" ham qiziqish bildirayotgani haqida xabar berilgandi.
33 yoshli Zommer joriy mavsumda “Borussiya” safida barcha musobaqalarda 11 ta o‘yinda maydonga tushdi va 14 ta gol o‘tkazib yubordi. Uning klub bilan shartnomasi 2023 yilning yoziga qadar mo‘ljallangan.