"Бавария" "Боруссия Мёнхенгладбах"нинг швейцариялик дарвозабони Ян Зоммерга қизиқиш билдирмоқда, деб хабар беради Sky.
Манбага кўра, Мюнхен клуби қишки трансфер ойнасида футболчини сотиб олиш вариантини кўриб чиқмоқда. "Бавария"да Зоммер оёғи синганлиги сабабли узоқ вақтга сафдан чиққан Мануэль Нойернинг ўрнини боса олади.
Аввалроқ, швейцариялик футболчига "Манчестер Юнайтед" ҳам қизиқиш билдираётгани ҳақида хабар берилганди.
33 ёшли Зоммер жорий мавсумда “Боруссия” сафида барча мусобақаларда 11 та ўйинда майдонга тушди ва 14 та гол ўтказиб юборди. Унинг клуб билан шартномаси 2023 йилнинг ёзига қадар мўлжалланган.
