"Roma" bosh murabbiyi Joze Mourinyo Portugaliya terma jamoasiga tayinlanish variantini jiddiy ko‘rib chiqmoqda.
59 yoshli mutaxassis Fernandu Santush iste’foga chiqarilganidan keyin bu lavozimga asosiy da’vogarlardan biri sifatida ko‘rilmoqda. Mourinyo uchun mumkin bo‘lgan ssenariylardan biri - "Roma" va terma jamoadagi pozisiyalarini birlashtirish, ammo, avvalroq xabar qilinganidek, rimliklar rahbariyati bu variantni ma’qullamayapti.
The Telegraph xabariga ko‘ra, murabbiy Italiya klubidagi ishini o‘z mamlakati terma jamoasidagi lavozimiga o‘zgartirishga tayyor. Murabbiyga 2026 yilgacha mo‘ljallangan shartnoma taklif qilindi.
Joze Mourinyo 2021 yilning yozidan beri “Roma”ni boshqarib kelmoqda. Uning amaldagi mehnat shartnomasi 2023/24 yilgi mavsum oxirigacha amal qiladi.
