Hujumchilar Lionel Messi va Kilian Mbappe 1986 yilgi jahon chempionatida Diyego Maradonaning muvaffaqiyatini takrorlashdi.

“PSJ” futbolchilari Qatarda bo‘lib o‘tgan jahon chempionatida “Gol+pas” tizimida 10 ochkodan jamg‘argan. Argentina terma jamoasi sardori hisobida 7 ta gol va 3 ta golli uzatma bor, fransiyalik hujumchida 8 ta gol va 2 ta golli uzatma bor.

Maradona jahon chempionatida 10 ta samarali harakat qilgan oxirgi futbolchi edi. Uning hisobida 5 ta gol va 5 ta golli uzatma bor bo‘lgan.