JCH-2022 pley-off bosqichida penaltilar seriyasi bilan yakunlangan o‘yinlar soni bo‘yicha rekord bo‘ldi. Hammasi bo‘lib 5 ta bahsda tomonlar penaltiga murojaat qilishdi.
1/8 finalda Xorvatiya va Yaponiya terma jamoalari, shuningdek, Marokash va Ispaniya o‘yinida penaltilar seriyasi bo‘lib o‘tdi. 1/4 finalda Argentina – Niderlandiya hamda Xorvatiya – Braziliya o‘yinida penalti tepildi. Turnir penaltilar seriyasida yakunlandi va finalda argentinaliklar fransuzlarni mag‘lub etishdi.
Argentina terma jamoasi uchinchi marta jahon chempioni bo‘ldi. Avvalroq, argentinaliklar 1978 va 1986 yillarda ushbu turnirda g‘olib chiqishgan.
