ЖЧ-2022 плей-офф босқичида пенальтилар серияси билан якунланган ўйинлар сони бўйича рекорд бўлди. Ҳаммаси бўлиб 5 та баҳсда томонлар пенальтига мурожаат қилишди.
1/8 финалда Хорватия ва Япония терма жамоалари, шунингдек, Марокаш ва Испания ўйинида пенальтилар серияси бўлиб ўтди. 1/4 финалда Аргентина – Нидерландия ҳамда Хорватия – Бразилия ўйинида пенальти тепилди. Турнир пенальтилар сериясида якунланди ва финалда аргентиналиклар французларни мағлуб этишди.
Аргентина терма жамоаси учинчи марта жаҳон чемпиони бўлди. Аввалроқ, аргентиналиклар 1978 ва 1986 йилларда ушбу турнирда ғолиб чиқишган.
