Fransiya terma jamoasi bosh murabbiyi Didye Desham jurnalistlar bilan suhbatda Qatardagi mundialning final uchrashuvidagi hakamlikka baho berdi.
Deshamning aytishicha, jurnalistlar unga umuman bu savolni bermasalar yaxshi bo‘lardi. Murabbiy o‘z so‘zida ehtiyotkor bo‘lishi kerakligini, biroq hakamlik ham yaxshiroq, ham yomonroq bo‘lishi mumkinligini ta’kidladi.
"Men Argentinani ushbu turnirda g‘alaba qozonishdagi xizmatlaridan mahrum qilmoqchi emasman. Argentina terma jamoasini ushbu muvaffaqiyat bilan tabriklayman", - deya qo‘shimcha qildi Desham.
Eslatib o‘tamiz, Desham shogirdlari final o‘yinida penaltilar seriyasida argentinaliklarga imkoniyatni boy berib, ketma-ket ikkinchi jahon chempionatida chempion bo‘lish imkoniyatini qo‘ldan boy berishdi.
