Qatarda yana bir jahon chempionati yakuniga yetdi. Barcha qahramonlar munosib medal va kuboklarni olishdi, endi esa hakamlar brigadasining ishini baholash vaqti keldi.

Shimon Marchinyak Argentina terma jamoasi uchun omadli hakam hisoblanadi. Uning boshqargan o‘yinda janubiy amerikaliklar 1/8 finalda Avstraliyani mag‘lub etishdi (2:1), keyin esa 36 yil ichida birinchi marta jahon chempioni bo‘lishdi. Hamma ko‘rganidek, final har xil voqealarga boy bo‘ldi. Marchinyak uchta penalti belgiladi, ulardan biri bahsli savollar tug‘diradi.

O‘yindagi ikkinchi penalti belgilangan holatda (Otamendi Randal Kolo Muaniga qoida buzgan vaziyat) polshalik hakam epizoddan juda uzoqda bo‘lib ham to‘g‘ri qaror qabul qildi. Marchinyak uchrashuvning asosiy vaqti oxiridagi epizodni a’lo darajada baholadi.

Markus Tyuram argentinaliklarning jarima maydonchasi ichida yiqildi, biroq hakam fransiyalik futbolchiga simulyasiya uchun sariq kartochka ko‘rsatdi. Bir necha takrorlardan so‘ng polyakning to‘g‘ri qaror qabul qilganiga ishonch hosil qilindi.

Ammo shu bilan birga, Marchinyak Kristian Romeroni ochiqchasiga kechirdi. Argentinalik futbolchi oldinroq ofsaydda qolgan Kilian Mbappening oyog‘ini bosib oldi. Ofsaydga qaramay, uning raqibi qo‘pol o‘yin uchun sariq kartochka olishi kerak edi.

Rossiyalik futbol hakami Igor Fedotov Marchinyakning finaldagi ishini baholadi va polyak uchun savollar borligini ta’kidladi.

- O‘yin 3:3 hisobida yakunlangani Marchinyak uchun yaxshi bo‘ldi. Axir asosiy yoki qo‘shimcha vaqtda hech kim mag‘lub bo‘lmadi. Fransiyaga qarshi penalti yo‘q edi, kontakt haqida kim nima desa ham bu shunchaki o‘yindagi epizod edi.

Hakam uchun hamma narsa penaltilar seriyasida hal bo‘lgani ortiqcha gap-so‘zdan qutilib qolishga iomkon berdi. U o‘yinni buzib qo‘ydi, deyishga hech kimda asos qolmadi.