Қатарда яна бир жаҳон чемпионати якунига етди. Барча қаҳрамонлар муносиб медаль ва кубокларни олишди, энди эса ҳакамлар бригадасининг ишини баҳолаш вақти келди.

Шимон Марчиняк Аргентина терма жамоаси учун омадли ҳакам ҳисобланади. Унинг бошқарган ўйинда жанубий америкаликлар 1/8 финалда Австралияни мағлуб этишди (2:1), кейин эса 36 йил ичида биринчи марта жаҳон чемпиони бўлишди. Ҳамма кўрганидек, финал ҳар хил воқеаларга бой бўлди. Марчиняк учта пенальти белгилади, улардан бири баҳсли саволлар туғдиради.

Ўйиндаги иккинчи пеналтьи белгиланган ҳолатда (Отаменди Рандал Коло Муанига қоида бузган вазият) польшалик ҳакам эпизоддан жуда узоқда бўлиб ҳам тўғри қарор қабул қилди. Марчиняк учрашувнинг асосий вақти охиридаги эпизодни аъло даражада баҳолади.

Маркус Тюрам аргентиналикларнинг жарима майдончаси ичида йиқилди, бироқ ҳакам франциялик футболчига симуляция учун сариқ карточка кўрсатди. Бир неча такрорлардан сўнг полякнинг тўғри қарор қабул қилганига ишонч ҳосил қилинди.

Аммо шу билан бирга, Марчиняк Кристиан Ромерони очиқчасига кечирди. Аргентиналик футболчи олдинроқ офсайдда қолган Килиан Мбаппенинг оёғини босиб олди. Офсайдга қарамай, унинг рақиби қўпол ўйин учун сариқ карточка олиши керак эди.

Россиялик футбол ҳаками Игор Федотов Марчинякнинг финалдаги ишини баҳолади ва польяк учун саволлар борлигини таъкидлади.

- Ўйин 3:3 ҳисобида якунлангани Марчиняк учун яхши бўлди. Ахир асосий ёки қўшимча вақтда ҳеч ким мағлуб бўлмади. Францияга қарши пенальти йўқ эди, контакт ҳақида ким нима деса ҳам бу шунчаки ўйиндаги эпизод эди.

Ҳакам учун ҳамма нарса пеналтилар сериясида ҳал бўлгани ортиқча гап-сўздан қутилиб қолишга иомкон берди. У ўйинни бузиб қўйди, дейишга ҳеч кимда асос қолмади.