"Manchester Yunayted"ning sobiq futbolchisi Ander Errera Joze Mourinyo boshchiligidagi o‘yinlarini esladi.
“Men uning uchun muhim futbolchi edim. Mourinyo qo‘l ostida terma jamoada o‘ynay boshladim, bu faoliyatimdagi muhim lahza bo‘ldi. Shuningdek, o‘shanda muxlislardan mavsumning eng yaxshi futbolchisi sovrinini olgandim. O‘sha davr uchun undan minnatdorman.
Mourinyo ham men kabi biroz ahmoq edi. Mourino davrida van Gal, Bilsa va Valverde uslubidan farq qiladigan futbol bor edi. Men bu jamoaning bir qismi bo‘lishni va ularga yordam berishni yaxshi ko‘rardim. Bizda ko‘proq qarshi hujum uslubi bor edi, ammo biz uchta sovrinni qo‘lga kiritdik va Chempionlar ligasiga yo‘llanma oldik. Yomon natija emas", - dedi Errera “Qizil iblislar” klubi telekanaliga.
