Portugaliya terma jamoasi hujumchisi Krishtianu Ronaldu Qatarda yakunlangan jahon chempionatining eng yomon futbolchilari ramziy jamoasiga kiritildi.

Sofascore tomonidan tuzilgan ushbu ramziy jamoaga, shuningdek, Argentina termasi forvardi Lautaro Martines ham qo‘shildi.

Turnirda eng kamida 4ta o‘yinda ishtirok etib, yomon o‘yin ko‘rsatgan futbolchilardan tuzilgan ramziy jamoa quyidagicha:

Darvozabon: Eduar Mendi – 6,30 (Senegal, «Chelsi»).

Himoyachilar: Serjinyo Dest – 6,50 (AQSH, «Milan»), Kamil Glik – 6,63 (Polsha, «Benevento»), Abdu Diallo – 6,47 (Senegal, «RB Leypsig»), Bartosh Bereshinski – 6,42 (Polsha, «Sampdoriya»).

Yarim himoyachilar: Metyu Lekki – 6,28 (Avstraliya, «Melburn Siti»), Xvan In Bom – 6,53 (Janubiy Koreya, «Olimpiakos»), Jekson Irvayn – 6,50 (Avstraliya, «Sankt-Pauli»), Ruben Vargas – 6,53 (Shveysariya, «Augsburg»).

Hujumchilar: Krishtianu Ronaldu – 6,46 (Portugaliya), Lautaro Martines – 6,35 (Argentina, «Inter»).