"Vulverxempton" bosh murabbiyi Xulen Lopetegi hujumchi Diyego Kostani yomon odatlardan voz kechishga undadi.

Kosta “Vulverxempton” safida o‘tkazgan olti o‘yinida birorta ham gol ura olmagan. 29 oktyabr kuni bo‘lib o‘tgan “Brentford”ga qarshi o‘yinda esa Diyego hatto qizil kartochka ham olishga ham ulgurdi.

Endi 34 yoshli ispaniyalik diskvalifikasiya muddatini o‘tab bo‘ldi va seshanba kuni Liga kubogida "Jillingxem" jamoasiga qarshi o‘ynashga tayyor.

"Diyego bu yerda ajoyib imkoniyati borligini biladi. Olti oy davomida u yuqori saviyadagi futboldan chetda qoldi. Endi u yana elita saviyasida, Premyer-ligada futbol o‘ynash uchun yaxshi imkoniyatga ega.

U mashg‘ulotdagi yosh bolaga o‘xshaydi, yosh o‘yinchiga o‘xshaydi. U o‘zining eng yaxshi versiyasi bo‘lish uchun juda ko‘p harakat qilmoqda va biz bu borada unga yordam beramiz.

Biroq, u biz bilgan va o‘zida borligini biladigan yomon odatlaridan xalos bo‘lishi kerak. Men uning ahmoqona harakatlari bilan emas, balki o‘yinda o‘z xarakterini qanday ko‘rsatishini ko‘rmoqchiman", - deya Lopetegi BBC bilan suhbatda.