"Вулверхэмптон" бош мураббийи Хулен Лопетеги ҳужумчи Диего Костани ёмон одатлардан воз кечишга ундади.

Коста “Вулверхэмптон” сафида ўтказган олти ўйинида бирорта ҳам гол ура олмаган. 29 октябрь куни бўлиб ўтган “Брентфорд”га қарши ўйинда эса Диего ҳатто қизил карточка ҳам олишга ҳам улгурди.

Энди 34 ёшли испаниялик дисквалификация муддатини ўтаб бўлди ва сешанба куни Лига кубогида "Жиллингхэм" жамоасига қарши ўйнашга тайёр.

"Диего бу ерда ажойиб имконияти борлигини билади. Олти ой давомида у юқори савиядаги футболдан четда қолди. Энди у яна элита савиясида, Премьер-лигада футбол ўйнаш учун яхши имкониятга эга.

У машғулотдаги ёш болага ўхшайди, ёш ўйинчига ўхшайди. У ўзининг энг яхши версияси бўлиш учун жуда кўп ҳаракат қилмоқда ва биз бу борада унга ёрдам берамиз.

Бироқ, у биз билган ва ўзида борлигини биладиган ёмон одатларидан халос бўлиши керак. Мен унинг аҳмоқона ҳаракатлари билан эмас, балки ўйинда ўз характерини қандай кўрсатишини кўрмоқчиман", - дея Лопетеги BBC билан суҳбатда.