Terma jamoaning 2022 yilgi JCHdagi g‘alabasidan so‘ng, Argentina poytaxti Buenos-Ayresda chempionlik paradi boshlandi. Oldinroq vaqt bo‘lishiga qaramay (parad taxminan ertalab soat 4 da boshlandi), chempionlarni tabriklash maqsadida, o‘n minglab muxlislar shahar ko‘chalarini to‘ldirishdi.

Eslatib o‘tamiz, jahon chempionati finalida Argentina va Fransiya terma jamoalari to‘qnash kelishgandi. Uchrashuvning asosiy va qo‘shimcha vaqti durang bilan yakunlandi - 3:3. Argentinaliklar penaltilar seriyasida 4:2 hisobida g‘alaba qozonib, jahon chempioniga aylanishdi.