Argentinaning jahon chempionatidagi g‘alabasi sharafiga o‘tkazilgan bayram tantanalari chog‘ida jamoaning bir muxlisi vafot etdi, deb xabar bermoqda Daily Mail.
Hodisa Buenos-Ayres provinsiyasidagi Baiya-Blanka shahrida sodir bo‘lgan. 22 yoshli yigit mototsiklda shahar atrofida aylanib yurgan. Qaysidir payt uning yelkasiga o‘ralgan bayroq mototsikl g‘ildiragiga tegib ulovni izdan chiqargan. Dastlabki ma’lumotlarga ko‘ra, muxlis bo‘g‘ilishdan vafot etgan.
Ma’lumot uchun, barcha muxlislar poytaxt ko‘chalari bo‘ylab chempionat paradini tomosha qilishlari uchun 20 dekabr mamlakatda dam olish kuni deb e’lon qilindi.
