Аргентинанинг жаҳон чемпионатидаги ғалабаси шарафига ўтказилган байрам тантаналари чоғида жамоанинг бир мухлиси вафот этди, деб хабар бермоқда Daily Mail.
Ҳодиса Буэнос-Айрес провинциясидаги Баия-Бланка шаҳрида содир бўлган. 22 ёшли йигит мототциклда шаҳар атрофида айланиб юрган. Қайсидир пайт унинг елкасига ўралган байроқ мототцикл ғилдирагига тегиб уловни издан чиқарган. Дастлабки маълумотларга кўра, мухлис бўғилишдан вафот этган.
Маълумот учун, барча мухлислар пойтахт кўчалари бўйлаб чемпионат парадини томоша қилишлари учун 20 декабрь мамлакатда дам олиш куни деб эълон қилинди.
