Argentina terma jamoasi hujumchisi Lionel Messi ijtimoiy tarmoqda yangi post qoldirdi. U 1993 yilda bolalar turnirida o‘ynagan videosini ko‘rsatdi. Messi ushbu videoga ta’sirchan matn qoldirdi.

"O‘sha paytdan boshlab Qatardagi jahon chempionatiga deyarli 30 yil o‘tdi. Deyarli o‘ttiz yil davomida futbol menga ko‘p quvonch va ozgina qayg‘u keltirdi. Men doim jahon chempioni bo‘lishni orzu qilganman va bu hech qachon amalga oshishini bilsam ham, urinishdan to‘xtashni istamasdim" - deb yozdi Messi.

Hujumchining qo‘shimcha qilishicha, jahon chempionatida g‘alaba qozonish nafaqat hozirgi jamoa, balki Argentina terma jamoasida avval o‘ynagan futbolchilar uchun ham mukofotdir. Messi 2014 yilgi jahon chempionatini esladi, o‘shanda "Albiseleste" finalda Germaniyaga 0:1 hisobida mag‘lub bo‘lgandi. Leo Argentina o‘sha finalda g‘alaba qozonishga haqli ekanini ta’kidladi.

"Shuningdek, bu kubok bizga osmondan dalda bergan Diyego uchundir", - deb yozgan Messi marhum Diyego Maradonani xotirlab.

Bundan tashqari, Messi terma jamoani moliyalashtirgan Argentina futboli rahbariyatini ham qayd etdi.