Аргентина терма жамоаси ҳужумчиси Лионель Месси ижтимоий тармоқда янги пост қолдирди. У 1993 йилда болалар турнирида ўйнаган видеосини кўрсатди. Месси ушбу видеога таъсирчан матн қолдирди.
"Ўша пайтдан бошлаб Қатардаги жаҳон чемпионатига деярли 30 йил ўтди. Деярли ўттиз йил давомида футбол менга кўп қувонч ва озгина қайғу келтирди. Мен доим жаҳон чемпиони бўлишни орзу қилганман ва бу ҳеч қачон амалга ошишини билсам ҳам, уринишдан тўхташни истамасдим" - деб ёзди Месси.
Ҳужумчининг қўшимча қилишича, жаҳон чемпионатида ғалаба қозониш нафақат ҳозирги жамоа, балки Аргентина терма жамоасида аввал ўйнаган футболчилар учун ҳам мукофотдир. Месси 2014 йилги жаҳон чемпионатини эслади, ўшанда "Альбиселесте" финалда Германияга 0:1 ҳисобида мағлуб бўлганди. Лео Аргентина ўша финалда ғалаба қозонишга ҳақли эканини таъкидлади.
"Шунингдек, бу кубок бизга осмондан далда берган Диего учундир", - деб ёзган Месси марҳум Диего Марадонани хотирлаб.
Бундан ташқари, Месси терма жамоани молиялаштирган Аргентина футболи раҳбариятини ҳам қайд этди.
