“Chelsi” himoyachisi Uesli Fofana kecha, 20 dekabr kuni “Brentford” bilan bo‘lib o‘tgan o‘rtoqlik o‘yini vaqtida jarohat oldi, deya xabar bermoqda jurnalist Saymon Fillips ijtimoiy tarmoqdagi sahifasida.
Jamoalarning uchrashuvi bo‘sh tribunalar oldida o‘tdi va 5:1 hisobida "Chelsi"ning g‘alabasi bilan yakunlandi. O‘yin davomida Fofana tizzasidan jarohat oldi va uchrashuvni davom ettira olmadi. Himoyachi almashtirildi.
Eslatib o‘tamiz, Fofana shu yozda "Chelsi" futbolchisiga aylandi. Joriy mavsumda 22 yoshli fransiyalik futbolchi Angliya Premyer-ligasining to‘rtta o‘yinida ishtirok etdi. Avvalroq Fofana "Sent-Etyen" va "Lester Siti" klublarida to‘p surgan.
"Chelsi" 14 o‘yinda 21 ochko to‘plagan va APL turnir jadvalida sakkizinchi o‘rinni egallab turibdi.
