“Челси” ҳимоячиси Уэсли Фофана кеча, 20 декабрь куни “Брентфорд” билан бўлиб ўтган ўртоқлик ўйини вақтида жароҳат олди, дея хабар бермоқда журналист Саймон Филлипс ижтимоий тармоқдаги саҳифасида.
Жамоаларнинг учрашуви бўш трибуналар олдида ўтди ва 5:1 ҳисобида "Челси"нинг ғалабаси билан якунланди. Ўйин давомида Фофана тиззасидан жароҳат олди ва учрашувни давом эттира олмади. Ҳимоячи алмаштирилди.
Эслатиб ўтамиз, Фофана шу ёзда "Челси" футболчисига айланди. Жорий мавсумда 22 ёшли франсиялик футболчи Англия Премьер-лигасининг тўртта ўйинида иштирок этди. Аввалроқ Фофана "Сент-Этьен" ва "Лестер Сити" клубларида тўп сурган.
"Челси" 14 ўйинда 21 очко тўплаган ва АПЛ турнир жадвалида саккизинчи ўринни эгаллаб турибди.
