«Tottenxem» hujumchisi Xarri Keyn «Bavariya»ning nishonida bo‘lib turibdi. Jurnalist Maksimilian Koxning fikricha, ingliz futbolchisi klubning kelasi yozdagi asosiy va ayni paytdagi eng qimmat nishoni hisoblanadi.
Keynning «shporlar» bilan shartnomasi bir yarim yildan keyin tugaydi. Demak, yozda «Tottenxem» uni sotish haqida o‘ylashi mumkin, aks holda klub 2024 yilning yozida futbolchini tekinga yo‘qotish xavfida bo‘ladi.
Shu bilan birga, «Bavariya» oldida yana ikkita yo‘l bor – iyul oyida erkin agentga aylanadigan Markus Tyuram, Niklas Fyullkrug variantlari.
