Madridning «Atletiko» klubi hujumchisi Antuan Grizmann Angliya premyer-ligasiga o‘tishi mumkin.
Fichajes xabariga ko‘ra, «Manchester Yunayted» fransiyalik futbolchi uchun ispan klubiga 60 million yevro taklif qilgan.
Manbaning qayd etishicha, «matraschilar» Grizmanni qo‘yib yuborishni istamayapti, ammo «qizil iblislar» taklif miqdorini oshirsa, ular o‘z fikrini o‘zgartirishi mumkin.
31 yoshli futbolchi joriy mavsum barcha turnirlar doirasida 21 ta o‘yinda maydonga tushib, 6 ta gol urdi va 5 ta golli uzatmani amalga oshirdi.
Transfermarkt ma’lumotlariga ko‘ra Grizmann 25 mln yevroga baholangan.
