Мадриднинг «Атлетико» клуби ҳужумчиси Антуан Гризманн Англия премьер-лигасига ўтиши мумкин.

Fichajes хабарига кўра, «Манчестер Юнайтед» франциялик футболчи учун испан клубига 60 миллион евро таклиф қилган.

Манбанинг қайд этишича, «матрасчилар» Гризманни қўйиб юборишни истамаяпти, аммо «қизил иблислар» таклиф миқдорини оширса, улар ўз фикрини ўзгартириши мумкин.

31 ёшли футболчи жорий мавсум барча турнирлар доирасида 21 та ўйинда майдонга тушиб, 6 та гол урди ва 5 та голли узатмани амалга оширди.

Transfermarkt маълумотларига кўра Гризманн 25 млн еврога баҳоланган.