«Chelsi» hozirda «RB Leypsig» himoyachisi Yoshko Gvardiol uchun kurashda «Real»dan yaxshiroq holatda bo‘lib turibdi. Bu haqda jurnalist Mateo Moretto ijtimoiy tarmoqlarda ma’lum qildi.

Manbaga ko‘ra, «Chelsi» qolgan raqiblardan oldinda, chunki ular uzoqroq muddatga muzokara olib bormoqda.

«Aristokratlar» xorvatiyalik futbolchini yozda 90 million yevro evaziga olmoqchi edi, biroq ularning taklifi rad etildi.

«Chelsi» «RB Leypsig» bilan muzokaralarda jamoa texnik direktorligi lavozimiga yangi tayinlangan Kristofer Vivel evaziga muvaffaqiyat qozonishi mumkin. Eslatib o‘tamiz, nemis mutaxassisi bungacha «buqalar» lagerida xuddi shunday lavozimni egallagan edi.