«Челси» ҳозирда «РБ Лейпциг» ҳимоячиси Йошко Гвардиол учун курашда «Реал»дан яхшироқ ҳолатда бўлиб турибди. Бу ҳақда журналист Матео Моретто ижтимоий тармоқларда маълум қилди.
Манбага кўра, «Челси» қолган рақиблардан олдинда, чунки улар узоқроқ муддатга музокара олиб бормоқда.
«Аристократлар» хорватиялик футболчини ёзда 90 миллион евро эвазига олмоқчи эди, бироқ уларнинг таклифи рад этилди.
«Челси» «РБ Лейпциг» билан музокараларда жамоа техник директорлиги лавозимига янги тайинланган Кристофер Вивел эвазига муваффақият қозониши мумкин. Эслатиб ўтамиз, немис мутахассиси бунгача «буқалар» лагерида худди шундай лавозимни эгаллаган эди.
