FIFA 2022 yilgi jahon chempionatining eng yaxshi gol nomiga da’vogarlarni e’lon qildi.

Qatarda bo‘lib o‘tgan jahon chempionatida 32 ta jamoa 172 ta gol urishga muvaffaq bo‘ldi. Bu rekord - 1998 va 2014 yildagidan ko‘p (har birida 171 ta gol). Har bir o‘yinda o‘rtacha hisobda 2,69 ta gol kiritildi.

Xalqaro futbol federasiyasi o‘nta golni tanlab oldi, ular orasidan eng yaxshisi aniqlanadi.

Sovringa da’vogarlar: Salem Al-Dosari (Saudiya Arabistoni, Argentinaga qarshi o‘yindagi g‘alaba goli), Risharlison (Braziliya, Serbiyaga qarshi o‘yinda qaychi usulda kiritgan va chiroyli kombinasiyadan so‘ng Janubiy Koreyaga kiritgan goli), Kodi Gakpo (Niderlandiya Ekvadorga qarshi), Enso Fernandes (Argentina, Meksikaga qarshi), Vensan Abubakar (Kamerun, Serbiyaga qarshi), Luis Chaves (Meksika, Saudiya Arabistoniga qarshi jarima zarbasi), Kilian Mbappe (Fransiya, Polshaga qarshi), Pak Seung Xo (Janubiy Koreya, Braziliyaga uzoq masofadan yo‘llagan zarbasi) va Neymar (Braziliya, Xorvatiyaga gol).