ФИФА 2022 йилги жаҳон чемпионатининг энг яхши гол номига даъвогарларни эълон қилди.

Қатарда бўлиб ўтган жаҳон чемпионатида 32 та жамоа 172 та гол уришга муваффақ бўлди. Бу рекорд - 1998 ва 2014 йилдагидан кўп (ҳар бирида 171 та гол). Ҳар бир ўйинда ўртача ҳисобда 2,69 та гол киритилди.

Халқаро футбол федерацияси ўнта голни танлаб олди, улар орасидан энг яхшиси аниқланади.

Совринга даъвогарлар: Салем Ал-Досари (Саудия Арабистони, Аргентинага қарши ўйиндаги ғалаба голи), Ришарлисон (Бразилия, Сербияга қарши ўйинда қайчи усулда киритган ва чиройли комбинациядан сўнг Жанубий Кореяга киритган голи), Коди Гакпо (Нидерландия Эквадорга қарши), Энцо Фернандес (Аргентина, Мексикага қарши), Венсан Абубакар (Камерун, Сербияга қарши), Луис Чавес (Мексика, Саудия Арабистонига қарши жарима зарбаси), Килиан Мбаппе (Франция, Полшага қарши), Пак Сеунг Хо (Жанубий Корея, Бразилияга узоқ масофадан йўллаган зарбаси) ва Неймар (Бразилия, Хорватияга гол).