Angliya Premyer-ligasida vaqtinchalik futbolchi almashtirishlar joriy etilishi mumkin. AFA xuddi shunday yangilikni keyingi mavsumdan sinov rejimida amalga oshirishni rejalashtirmoqda. Bu haqda Britaniya matbuoti yozmoqda.
Xususan, boshidan jarohat olgan futbolchilar uchun vaqtinchalik almashtirish talab qilinishi mumkin. U miya chayqalishi uchun tibbiy ko‘rikdan o‘tayotganda 10-15 daqiqaga maydondagi o‘rnini boshqa futbolchiga bo‘shatib turishi mumkin. Shundan so‘ng, jarohat olgan futbolchi yana maydonga qaytishi mumkin.
Manbaga ko‘ra, IFAB (Xalqaro futbol assosiasiyasi kengashi) mart oyigacha o‘z javobini taqdim etadi.
