Londonning "Chelsi" klubi o‘z darvozaboni Eduard Mendiga olti yillik yangi shartnoma taklif qildi, biroq senegallik darhol rad javobini berdi. Jurnalist Endi Dillonning so‘zlariga ko‘ra, darvozabon klub rahbariyatini hurmatsizlikda ayblagan, chunki yangi kelishuv shartlariga ko‘ra unga juda kam maosh taklif qilingan.
Eslatib o‘tamiz, Mendi "Chelsi"ga 2020 yilning yozida, "Renn"dan ko‘chib o‘tgan edi. Shu bilan birga, zaxiradagi Kepa Arrizabalaga Eduarddan ancha ko‘p maosh oladi.
Avvalroq, "Chelsi" yozda yangi asosiy darvozabon izlashi haqida xabarlar tarqalgan edi.
