"Manchester Siti" yarim himoyachisi Riyod Maxrez Angliya liga kubogi 1/8 finalida "Liverpul"ga qarshi o‘yin (3:2) natijalarini sarhisob qildi.
“Gol urish va jamoaga g‘alaba qozonishga yordam berish har doim yoqimli. Umuman olganda, biz juda yaxshi o‘ynadik va g‘alaba qozonishga haqli edik. Hamma juda yaxshi kayfiyatda qaytib, barchasini qaytadan boshlashga tayyor.
Biz Liga Kubogida "Chelsi" va "Liverpul"ni mag‘lub etdik, keyingi raqib kim bo‘lishini ko‘ramiz. Ammo biz o‘yinma-o‘yinni kuchayib boramiz va bor e’tiborimizni hozirda biz uchun eng muhim bo‘lgan Premyer-liganing navbatdagi o‘yiniga qaratamiz”, — deya Maxrezning so‘zlarini keltiradi Sky Sports.
