Italiya chempionatida 15-turidan keyin "Napoli" sakkiz ochko ustunlik bilan turnir jadvalida peshqadamlik qilmoqda. Neapolliklar mamlakatning amaldagi chempioni "Milan"dan oldinda.
O‘tmishda "Milan"ga ustozlik qilgan turkiyalik mutaxassis Fotih Terim Skudetto uchun kurashda "Napoli"ni qo‘llab-quvvatlashini ma’lum qildi.
"Spaletti uchun xursandman, u mening do‘stim. Men uni hurmat qilaman. Bu yil ular juda kuchli. "Milan"da ishlaganman, ammo "Napoli"ni qo‘llab-quvvatlayman. Umid qilamanki, jamoa Chempionlar ligasi finaliga chiqadi va Istanbulda o‘ynaydi", - dedi Terim pianetamilan.it bilan suhbatda.
"Napoli" chempionatdagi navbatdagi o‘yinini 4 yanvar kuni "Inter"ga qarshi o‘tkazadi.
