Италия чемпионатида 15-туридан кейин "Наполи" саккиз очко устунлик билан турнир жадвалида пешқадамлик қилмоқда. Неаполликлар мамлакатнинг амалдаги чемпиони "Милан"дан олдинда.
Ўтмишда "Милан"га устозлик қилган туркиялик мутахассис Фотиҳ Терим Скудетто учун курашда "Наполи"ни қўллаб-қувватлашини маълум қилди.
"Спалетти учун хурсандман, у менинг дўстим. Мен уни ҳурмат қиламан. Бу йил улар жуда кучли. "Милан"да ишлаганман, аммо "Наполи"ни қўллаб-қувватлайман. Умид қиламанки, жамоа Чемпионлар лигаси финалига чиқади ва Истанбулда ўйнайди", - деди Терим pianetamilan.it билан суҳбатда.
"Наполи" чемпионатдаги навбатдаги ўйинини 4 январь куни "Интер"га қарши ўтказади.
