"Barselona" hujumchisi Ansu Fati jamoaning yana ikki o‘sib borayotgan yulduzlari haqida o‘z fikri bilan o‘rtoqlashdi.
Aynan Fati, Pedri va Gavi “Barselona”ning yangi avlod futbolchilarining asosiy “olmoslari” sanaladi – uchalasi ham yosh bo‘lishiga qaramay, bir necha yillardan buyon jamoaning asosiy tarkibida o‘zini ko‘rsatib kelmoqda.
"Men ko‘p vaqtimni Pedri va Gavi bilan o‘tkazaman. Biz tez-tez birga ovqatlanamiz va imkoniyat tug‘ilganda turli joylarga boramiz", - dedi 20 yoshli hujumchi.
Fati joriy mavsumda kataloniyaliklar safida 20 ta o‘yinda maydonga tushib, 3 ta gol va 3 ta golli uzatmani amalga oshirgan.
