"Барселона" ҳужумчиси Ансу Фати жамоанинг яна икки ўсиб бораётган юлдузлари ҳақида ўз фикри билан ўртоқлашди.
Айнан Фати, Педри ва Гави “Барселона”нинг янги авлод футболчиларининг асосий “олмослари” саналади – учаласи ҳам ёш бўлишига қарамай, бир неча йиллардан буён жамоанинг асосий таркибида ўзини кўрсатиб келмоқда.
"Мен кўп вақтимни Педри ва Гави билан ўтказаман. Биз тез-тез бирга овқатланамиз ва имконият туғилганда турли жойларга борамиз", - деди 20 ёшли ҳужумчи.
Фати жорий мавсумда каталонияликлар сафида 20 та ўйинда майдонга тушиб, 3 та гол ва 3 та голли узатмани амалга оширган.
