"Manchester Yunayted" PSVga hujumchi Kodi Gakpo bo‘yicha taklif bilan chiqdi, deb xabar beradi Mirror. Manbaga ko‘ra, "Manchester Yunayted" Eyndxoven klubining moliyaviy muammolaridan xabar topdi, bu esa PSV 23 yoshli hujumchini yanvar oyidagi transfer oynasida 50 million yevrodan kamroq evaziga qo‘yib yuborishga tayyorligini bildiradi.
"Manchester Yunayted" bosh murabbiyi Erik ten Xagning fikricha, Gakponing sotib olinishi jamoaning Premyer-ligada kuchli to‘rtlikdan joy olish uchun kurashdagi imkoniyatlarini oshiradi. Mutaxassisning fikricha, Niderlandiya terma jamoasi futbolchisi 37 yoshli portugaliyalik Krishtianu Ronaldu bera olmagan tajovuzkorlik va g‘alabaga tashnalikni olib keladi.
O‘tgan transfer oynasida Gakpoga "Lids" va "Sautgempton" klublari qiziqqan, "tovuslar" hatto futbolchini shaxsiy samolyot bilan ta’minlashgan, biroq PSV sport direktori Jon de Yong kelishuvga to‘sqinlik qilgan.
Qatarda bo‘lib o‘tgan jahon chempionatida Gakpo Gollandiya terma jamoasi safida beshta o‘yinda qatnashib, uchta gol urdi.
