"Tottenxem" bosh murabbiyi Antonio Konte klub bilan shartnomani uzaytirish haqidagi mish-mishlarga munosabat bildirdi. Italiyalik mutaxassisning jamoa bilan amaldagi shartnomasi 2023 yilning yozida yakuniga yetadi.
“Hozirda men “Tottenxem”da baxtli ekanligimni va futbolchilar va klub rahbariyati bilan o‘xshash tomonlarim borligini aytishga tayyorman. Biz har kuni muloqotdamiz va har qanday vaziyatda hammamiz uchun eng yaxshi yechim topishga harakat qilamiz. Hozir yangi shartnomam haqida gapirish vaqti emas. Vaziyatni ko‘rib chiqish va keyin qaror qabul qilish uchun bizda olti oy vaqt bor", - deya Kontening so‘zlarini keltiradi Sky Sports.
"Tottenxem" Angliya Premyer-ligasida 15 turdan keyin 29 ochko bilan to‘rtinchi o‘rinda bormoqda.
