Jurnalist Nikolo Skiraning ijtimoiy tarmoqlarida xabar berishicha, "Torino" klubi yarim himoyachi Nikola Vlashich bilan mavsum yakunida doimiy ravishda shartnoma imzolashga tayyor.
Manbaga ko‘ra, "Torino" 25 yoshli futbolchini "Vest Xem"dan 15 million yevroga sotib olish imkoniyatiga ega. Qayd etilishicha, turinliklar bosh murabbiyi Ivan Yurich Vlashichni daxlsiz va jamoaning yetakchi futbolchisi deb biladi.
Valashich “Torino” safida 2022 yilning avgustidan buyon to‘p suradi. Joriy mavsumda xorvatiyalik futbolchi Italiya klubi safida 16 ta o‘yinda maydonga tushib, 4 ta gol urdi va 3 ta golli uzatmani amalga oshirdi.
