Журналист Николо Скиранинг ижтимоий тармоқларида хабар беришича, "Торино" клуби ярим ҳимоячи Никола Влашич билан мавсум якунида доимий равишда шартнома имзолашга тайёр.
Манбага кўра, "Торино" 25 ёшли футболчини "Вест Хэм"дан 15 миллион еврога сотиб олиш имкониятига эга. Қайд этилишича, туринликлар бош мураббийи Иван Юрич Влашични дахлсиз ва жамоанинг етакчи футболчиси деб билади.
Валашич “Торино” сафида 2022 йилнинг августидан буён тўп суради. Жорий мавсумда хорватиялик футболчи Италия клуби сафида 16 та ўйинда майдонга тушиб, 4 та гол урди ва 3 та голли узатмани амалга оширди.
