"Lester" bosh murabbiyi Brendan Rojers klub yarim himoyachi Jeyms Meddisonni sotish bo‘yicha har qanday taklifni rad etishini kutmoqda, deb xabar beradi Daily Mail.

Ingliz klubi 25 yoshli yarim himoyachi uchun 60 million funt sterling narx belgilagan.

"Lester" mavsum o‘rtasida o‘z yulduzi bilan xayrlashmoqchi emas. Ammo Meddisonni mavsum oxirida sotish ehtimoli kattaroq bo‘ladi, chunki u holda yarim himoyachining amaldagi shartnomasi tugashiga atigi bir yil vaqt qoladi.

U joriy mavsumda APLda 13 ta o‘yinda maydonga tushib, 7 ta gol urdi va 4 ta golli uzatmani amalga oshirdi.