"Лестер" бош мураббийи Брендан Рожерс клуб ярим ҳимоячи Жеймс Мэддисонни сотиш бўйича ҳар қандай таклифни рад этишини кутмоқда, деб хабар беради Daily Mail.
Инглиз клуби 25 ёшли ярим ҳимоячи учун 60 миллион фунт стерлинг нарх белгилаган.
"Лестер" мавсум ўртасида ўз юлдузи билан хайрлашмоқчи эмас. Аммо Мэддисонни мавсум охирида сотиш эҳтимоли каттароқ бўлади, чунки у ҳолда ярим ҳимоячининг амалдаги шартномаси тугашига атиги бир йил вақт қолади.
У жорий мавсумда АПЛда 13 та ўйинда майдонга тушиб, 7 та гол урди ва 4 та голли узатмани амалга оширди.
