Krishtianu Ronalduning Meksikaning «Kruz Asul» klubi bilan bir yarim yillik shartnoma imzolagani haqidagi xabarlar tarqalmoqda. Ushbu yangilik rasmiy deya taqdim etilgan, biroq klubning rasmiy manbalarida bunday narsa yo‘q.
Boz ustiga, Krishtianu Ronaldu haqidagi soxta xabarga futbolchining qo‘lida «Kruz Asul» futbolkasi bilan tushgan surati ham qo‘yilgan. Oddiy ko‘z bilan ham fotosuratdagi grafik muharriridan foydalanish belgilarini ko‘rishingiz mumkin.
Eslatib o‘tamiz, Krishtianu Ronaldu bir oydan beri erkin agent bo‘lib turibdi. Noyabr oyida 37 yoshli hujumchi «Manchester Yunayted» bilan shartnomasini bekor qilgandi.
