Криштиану Роналдунинг Мексиканинг «Круз Асуль» клуби билан бир ярим йиллик шартнома имзолагани ҳақидаги хабарлар тарқалмоқда. Ушбу янгилик расмий дея тақдим этилган, бироқ клубнинг расмий манбаларида бундай нарса йўқ.
Боз устига, Криштиану Роналду ҳақидаги сохта хабарга футболчининг қўлида «Круз Асуль» футболкаси билан тушган сурати ҳам қўйилган. Оддий кўз билан ҳам фотосуратдаги график муҳарриридан фойдаланиш белгиларини кўришингиз мумкин.
Эслатиб ўтамиз, Криштиану Роналду бир ойдан бери эркин агент бўлиб турибди. Ноябрь ойида 37 ёшли ҳужумчи «Манчестер Юнайтед» билан шартномасини бекор қилганди.
