Ispaniyaning «Valensiya» klubi bosh murabbiyi Jennaro Gattuzo Italiya terma jamoasi va «Milan»ning sobiq yarim himoyachisi Andrea Pirloning o‘yini haqida gapirdi.
«Pirloda siz deyarli hech qayerda ko‘rmaydigan narsa bor edi: uzoq masofaga paslar. Xudo Pirloga aql bovar qilmas fazilatlarni ato etgan.
Uning to‘rtta ko‘zi bor. Maydondagi joylashuvi, to‘psiz qanday ishlagani... Hozir ko‘p jamoalar uchun bu yetarli emas.
Pirlo bilan gaplashdim. Bizning mentalitetimiz vertikal o‘ynashga qurilgan, u qisqa o‘ynashni yoqtirmasdi. Bu boshqacha futbol edi», - deya Gattuzoning so‘zlarini keltiradi AS.
