Rafinyaning atrofidagilar "Barselona"dan o‘yinchini sotmaslikni so‘ramoqda, deb yozmoqda Relevo jurnalisti Toni Xuanmarti.
Ular “Real Madrid”dagi faoliyatini omadsiz boshlagan, biroq keyinchalik jamoaga moslashib, Karlo Anchelotti jamoasining asosiy o‘yinchisiga aylangan Vinisiusni misol qilib, rahbariyatdan sabr-toqat so‘rashadi.
"Barsa" kelasi yozda braziliyalikni transfer bozoriga qo‘yishga qaror qilishi ehtimoli bor. Kataloniyaliklar uning uchun taxminan 50 million yevro so‘rashi mumkin. Premyer-liganing ba’zi klublari allaqachon futbolchiga qiziqish bildirmoqda.
Rafinya "Barselona" safida 18 ta o‘yinda 2 ta gol urdi va 2 ta golli uzatmani amalga oshirdi. U o‘tgan yozda "ko‘k-anorranglilar" safiga kelib qo‘shilgandi, ammo hozircha rahbariyatning umidlarini oqlamadi.
